مــــــــنتدى عـــــــبير الـــــــــــــــــــــــــورد
 
الرئيسيةس .و .جبحـثالتسجيلدخول

شاطر | 
 

 عرس بغداد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قطر الندى
عضو زين
عضو زين
avatar

عدد الرسائل : 35
تاريخ التسجيل : 07/12/2007

مُساهمةموضوع: عرس بغداد   23/1/2008, 6:48 pm

رضينه الإحتلال بحجة التحرير
وشعلنه شموعنه وبغداد شعلوها
أنهضمنه..ومارضينه الإحتلال يفوت
وفوگ المارضينه السرف مشوها
دعوني البارحة بحفلة عرس بغداد
دموع من الوطن للوطن دفعوها
وطن عّريس وعزوبية أمريكان
وبطايق زفته بالهمر ودوها
وگعدت لوحدي بشارع يصيح الغوث
وجه وبگصته اللچمات طبعوها
وجابوهه وأجت بس اشأجت بغداد
حته عيونهه من اللطم شلعوها
أجت بدلة عرسها البيضه دم و نار
الأنذال من الصدر للچعب شگوها
وبدل شدة ورد جابت بديهه دموع
ومو من ايدهه من الشعر جروها
ماچنهه بعرس چنهه بحفل تشييع
عالدبابه تمشي الحلوه جابوها
شفقات وخوذ من كل فصيله ولون
تنطيهم زلم وگبور ينطوها
فضوا چم بكاره بساحة التحرير
وقضية ساحة التحرير فضوها
وأجه العريّس محني وعمره ست آلاف
چي تنزف حضاره عيونه شدوها
گعد مكسور خاطر والظهر مكسور
من شاف العلم ساريته كسروها
يعاين عالحفل شو كلهه غربه الناس!
أجت وادم غرب والعرف طشوها
بس بغداد أجته وعرفته من بعيد
حضنهه وحضنته والدنيه بچوها
وحجتله شلون شعلوا بالمخيم نار
من سلبوا خدرهه وصاحوا أخذوها
شلون مسلبه يودونهه لتكساس
بس مو عالهزل عالدرع ودوها
شلون مچتفه وشلون عدهه أيتام
شلون الحسره تطلع من يشتموها
لطم وجهه العراق وصاح ياكرار
وينك ياعلي بغداد باگوها
ونزفت عينه دم ومن بچه شافوه
باصابع من رصاص عيونه طفوها
وخذوه جثه وبقت بغداد بس تصيح
مبارك بس حلقته وياي خلوها
وجابوا حلقه بس مو ذهب من حبال
صعدوا عالمنصه وبيهه شنقوها

تقبلوا احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفاءءءء
عضو شغلة حلو
عضو شغلة حلو
avatar

عدد الرسائل : 91
تاريخ التسجيل : 16/11/2007

مُساهمةموضوع: رد: عرس بغداد   24/1/2008, 12:17 am

ليش هيج ست قطر الندى والله نزلن ادموعي كلام كلش حلو
ووصف بعد احلى عاشت ايدج على هذه المشاركه ماكول غير الله ايسامحج لان احتركت اعصابي ابهاي القصيده
وتقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد الرسائل : 197
تاريخ التسجيل : 15/10/2007

مُساهمةموضوع: رد: عرس بغداد   24/1/2008, 10:24 pm

شكرا لهذه المساهمة الاكثر من رائعة وصف دقيق ومحزن
انشاء الله ياتي اليوم الذي نزف به بغداد للعراق العظيم وتنشاء في احضانه
تقبلي
تـــــحياتـــــــــــي

_________________
اللهـــــــــــــم أحـــــــــــفظ الــــــــــعراق وأهـــــــــــله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://18468.montadalhilal.com
قطر الندى
عضو زين
عضو زين
avatar

عدد الرسائل : 35
تاريخ التسجيل : 07/12/2007

مُساهمةموضوع: رد: عرس بغداد   25/1/2008, 12:19 am

يسلمو خيوو على هذا المرور الجميل
استاذ صفاء .منريد الرجال تبكي لان الاعتماد عليهم في ارجاع
بغداد الى احضان العراق
شكرا لمروركم
تقبلوا احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسير الروح
عضو زين
عضو زين
avatar

عدد الرسائل : 33
تاريخ التسجيل : 24/11/2007

مُساهمةموضوع: رد: عرس بغداد   25/1/2008, 2:48 am

كلمات جدا مؤثرة عاشت الايادي
تقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قطر الندى
عضو زين
عضو زين
avatar

عدد الرسائل : 35
تاريخ التسجيل : 07/12/2007

مُساهمةموضوع: رد: عرس بغداد   1/2/2008, 12:39 pm

شكرا لمرورك نورت الموضوع
تقبل احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبير الورد
عضو زين
عضو زين
avatar

عدد الرسائل : 30
تاريخ التسجيل : 27/12/2008

مُساهمةموضوع: رد: عرس بغداد   1/8/2009, 1:11 am

عاشت الايداي على هل القصيده الحلوه وانشاء الله في يوم تتحرر بغداد عبير الورد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبير الورد
عضو زين
عضو زين
avatar

عدد الرسائل : 30
تاريخ التسجيل : 27/12/2008

مُساهمةموضوع: رد: عرس بغداد   1/8/2009, 1:16 am

ملون هل العراق وصار عادي وخسر كلمن اجانه اليوم عادي بينه شماتمر صعبه عادي رضعنه رصاص ومن البندقيه عبير الورد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عرس بغداد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منــــــتدى أحباب عبــــــير الـــــــــــــــــورد :: الاقسام الادبية :: الشعر الشعبي العراقي-
انتقل الى: