مــــــــنتدى عـــــــبير الـــــــــــــــــــــــــورد
 
الرئيسيةس .و .جبحـثالتسجيلدخول

شاطر | 
 

 شوفو العراقي من يسافر او بالاحرى من يهججوا اشلون يتمرمر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شهدالعسل
عضو شغلة حلو
عضو شغلة حلو


عدد الرسائل : 119
العمر : 29
تاريخ التسجيل : 01/11/2007

مُساهمةموضوع: شوفو العراقي من يسافر او بالاحرى من يهججوا اشلون يتمرمر   1/11/2007, 3:09 am

اذا سافرت لاي بلد عربي وانت هاج من ضيم المليشيات.. اشراح يسوون بيك ؟؟ سؤال وجيه والاجابه تلكاها يم كل عراقي خارج نطاق التغطيه يعني خارج العراق !!!!!!!!!!!!

راح يصير بيك النقاط التاليه:

1- حاول تلبس جواريب جديدة و يفضل جواريب كتان ام الياخة لان راح تنزع الحذاء (تكرمون) بالمطار و ما حلو واحد يلبس جواريب امزرفة ( لا اتكللي علمود التهوية خلي اولن)يعني مو مال يحرجك ابو التفتيش و يسألك هاي الجفوف نص ردن ليش لابسها برجلك؟؟؟؟

2- اذا ردت تشتري من السوق الحرة ف أحسنلك قبلها تحوسملك ابو محل مجوهرات او تختل بجيوبك قاصة مال البنك المركزي او اتدور على دفتر بالشارع بلكت تلكي واكع من جيب صاحبة لان اسعارهم تعاونية و رمزية كلش و لو ابيع البرازيلي مالتنا 6 مرات ما اكدر اشتري شحاطة مناك

3- من يكللولك طيارتك جتي الزم سرة رأسا و لا اتخلي احد يضرب سراك
يابه خصم الحجي,,,, اتخيل نفسك واكف بسرة صمون و بعد ربع ساعة عال سيطرة الوهمية هيجي صير سبع و حتى لو شفت واحد بي شلل يريد يضرب سراك كله اني عندي عندي سرطان مزمن بجعب رجلي اليمنة و محتاج السرة

4- من اتفوت الجنطة بالجهاز فوت وياها ( ردت اسويها) حتى تتأكد مية بالمية انه جنطتك محد لعب بيها اني فوتت الجنطة جان بيها حذاء نايك استلمتة من الجهة اللخ صندل شلون ما اعرف

5- من تفوت بالنفق (الخرطوم) ادري بيك رايح للسودان قابل كتلك عمان؟؟ المهم من تفوت بالخرطوم اتخيل نفسك سباق ماراثون و الفائز ينطو 10 دفاتر لان العالم تبدي تتراكض عبالك اللي يكعد اول يوصل اسرع

6- نصيحة لوجه الله تعالى ,,, لا تاكل أكل الطيارة لييييششش؟؟؟؟ اكو ولد طبيب بقسم الطواريئ اتعرفت عليه و ما اريدكم تتعرفون عليه!!!!!!

7- خاف الطيار يطلع ايكللك اريد دفعة شي الطيارة كام بيها سلف ,,,, معليك لان اذا تدفع توكع راسا (هاي شنووو؟؟؟ صدك؟؟؟) و اول ما يطير يرجع ينزل مرات اني عبالي وصلنا العمان كلت معقولة 7 دقايق صعد و وصل العمان ورد نزل؟لو ادري هيج جان رايحلها مشي

8- اذا اتباوع للجناح مال الطيارة مستحيل تتخيل نفسك راح توصل سلامات اني مرة اصلا شفت الجناح ماكو عبالي وكع بهوية قوية طلع الطيار شايلة و مستعمل اليمنة بس لأن جان ديلوف عال عموم الاجنحة مال الطيارة زوينة بس الافخاذ أطيب!!!!

9- لا تتحارش بالمضيفة ,,,, لان احلى وحدة بيهن تشبه جد جدي الله يرحمة

10- اذا اتوازيت و رحت للحمام و انتة جسمك متروس (مثلي انطي على بستوكة!! خخخ) ف احتمال ما اتفوت اللا بواسطة من مدير مطار بغداد لان الحمام عبارة عن مزريب شوية وسعو و سوو حمام 5 سم في 10 سم

11- دير بالك اتصيح نازل لان الطيارة مراح توكف لان بريكهم صكط بحيث الطيار الرايح العمان يبدي من القائم يترس بريك يللا توكف بالمدرج مال مطارهم

12- همة حاطين جيس خاف واحد يزوع ,,,, صير لوتي اجمع شكو جياسة يمك و من توصل بالسلامة بيعهن ال اي عامل و اشتري بفلوسهن باكيت جكاير

13- من توصل للمطار راح ياخذك باص اني عبالي راح اروح للعلاوي كلت لعد مناك اركب بغداد الجديدة و اوصل للكلية لان اتذكرت عندي امتحان بس من وصلنا للمطار انلاصت لان لزمني مغص و كمت كلساع الزم بطني كمشوني اشتباه عبالهم انتحاري الحزام الناسف

14- أخر شي كللهم من يسألوك ليش جاي هنا كللهم دا اشتري صمون لان شكو ابو فرن انكتل و اي حجة قوية مثلا دا اشمر كطف جكارة لان ماكو شوارع ببغداد كلها مسدودة او كللهم عندي كويز ربع ساعة رياضيات لان جامعاتنا واكفة الدراسة عدهم او كللهم دا اجطل علة واير لان عدكم ما تطفة الوطني ابد و بيتنا قريب بالخضراء و من هال سوالف و انشالله الله يسهلها
____________________________
امر من هالمر اكو الله عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد الرسائل : 197
تاريخ التسجيل : 15/10/2007

مُساهمةموضوع: رد: شوفو العراقي من يسافر او بالاحرى من يهججوا اشلون يتمرمر   3/11/2007, 4:30 pm

[size=24]والله نصيحة ........هاي دستور المفروض تتخلة بالمطارات ومكانات السفر
هههههههههههههههههههههههه
شكرا للمشاركة الجميلة
تقـــــــــــــــبلي
تـــــــــــــــــحـــــــــــــيـــــاتــــــــــــي[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://18468.montadalhilal.com
صفاءءءء
عضو شغلة حلو
عضو شغلة حلو


عدد الرسائل : 91
تاريخ التسجيل : 16/11/2007

مُساهمةموضوع: رد: شوفو العراقي من يسافر او بالاحرى من يهججوا اشلون يتمرمر   17/11/2007, 12:48 am

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههه
يايابه والله اول مره اضحك هيج حتى اعيوني دمعن مو من الضحك على العراقي المسكين
احلى مشاركه شفته بس طويله كللللللللش بحيث اعيوني كامت توجعني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوفو العراقي من يسافر او بالاحرى من يهججوا اشلون يتمرمر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منــــــتدى أحباب عبــــــير الـــــــــــــــــورد :: اقسام المرح والفرفشة :: منتدى النكات والمقالب-
انتقل الى: