مــــــــنتدى عـــــــبير الـــــــــــــــــــــــــورد
 
الرئيسيةس .و .جبحـثالتسجيلدخول

شاطر | 
 

 قصيده عن الكهرباء بالعراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صفاءءءء
عضو شغلة حلو
عضو شغلة حلو


عدد الرسائل : 91
تاريخ التسجيل : 16/11/2007

مُساهمةموضوع: قصيده عن الكهرباء بالعراق   6/2/2008, 2:05 am

ماتگدر تجينه امحنيه رجليهه
بلوه الكهرباء شلون تاليهه

ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه

ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلهه بحرّه يگضيهه

ما تگدر تجينه وخايفه علينه
حكمتهه هوه التبريد ياذينه
ديدنهه تحبنه ودوم توصينه
سبلتكم قناعه فياي يغنيهه

ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه

ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه

ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليهه !!

ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وفرش عل سطوح عذيبي تلگيهه

ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه

ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه

ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه

ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه

ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه

ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــه

ما تگدر تجينه وصايره هوايه
باليابان مرّه انطفت لحظايه !!
وحنه ارقام عدنه القطع بالمايه
وبدفتر جينس منهو اليجاريهه

ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه

ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهه

ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويهه

ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليهه

ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفواشگد جميله الوان تزهيهه

ما تگدر تجينه انگطع حته السير
والخضراء تزهي يغني بيهه الطير
رامس كوندليزه وحضر حته بلير
والسي آي أي ما گدر يحييهه

ما تگدر تجينه وصرت متأكد
خابرني الزعيم القطب والاوحد
بوش وگاللي لأحلامك توسد
ماتنحل يگلبي انخبط صافيهه

ما تگدر تجينه محنيه رجليهه

بلوه الكهربااااااااااااء شلون تاليهه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قطر الندى
عضو زين
عضو زين


عدد الرسائل : 35
تاريخ التسجيل : 07/12/2007

مُساهمةموضوع: رد: قصيده عن الكهرباء بالعراق   6/2/2008, 3:20 am

[size=29]هههههههههههههههههههههههه
يسلموووووووووووو
القضية عقيمة مالت الكهرباء
شكرا استاذ
تقبل مروري[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفاءءءء
عضو شغلة حلو
عضو شغلة حلو


عدد الرسائل : 91
تاريخ التسجيل : 16/11/2007

مُساهمةموضوع: تعليق   7/2/2008, 1:59 am

اولا شكراااا ست قطر الندى على هذا المرور بس لو نتحد اني وياج انسوي حل لمشكله الكهرباء راح اتكولين اشلون نشتري مولده اني وياج ونوزع خطوط البغداد كل بيت ربع امبير يمكن اشويه احسن ههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده عن الكهرباء بالعراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منــــــتدى أحباب عبــــــير الـــــــــــــــــورد :: الاقسام الادبية :: الشعر الشعبي العراقي-
انتقل الى: