مــــــــنتدى عـــــــبير الـــــــــــــــــــــــــورد
 
الرئيسيةس .و .جبحـثالتسجيلدخول

شاطر | 
 

 ابوذية اتجنن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد الرسائل : 197
تاريخ التسجيل : 15/10/2007

مُساهمةموضوع: ابوذية اتجنن   29/3/2011, 2:10 am

عطش كلبي بمحبتك ما يتاني
وبعد ما اظن ينطرك ماي يتاني
تعال وشوف حالي ميت اني
بس الروح كوه مجلبه بيه





جرحگلبي اشعمل بيه وشده
نزف محد گرب يمه وشده
وگفت بكل مصيبه الهم وشده
انعم الله عليك محد كال اليه
* * *


ترف عشرين عمرك... ماتعده
واذا كلبي هجرته... مات عده
تعدلي هواي لاجن... ماتعده
ذنبك من طحت تضحك عليه
* * *


ذبت بحسّن ثغرك......مانه حبه
وكولن للعواذل.......مانه حبه
كلب المايحبك........مانحبه
ولايرهم تحسبه بيوم اليه
* * *



اوج روحي اعلمودة يوج عني
وكالة انطيتة كَلبي يو جة عني
سهام الهجر بعدك يوجعني
نص ساعة غضب مرت علية
* * *

حلو إسمك وأبوك شلون سماك
حبيبك لو زعل وياك سماك
صرت سمجه وانت الصرت سماك
لو طحت بحنانك اعطف عليه
* * *


امي من المحنة منبع عدها
لفاني الضيم والهم من بعُدها
شسوي انه بحياتي من بعدها
خلي وياها تاخذني المنية


الناس اشكال طيب وكره وانحاس
تراه الزين بالموزين نحاس
عبالي ذهب لنك صفر وانحاس
عرفتك بعد لاتلمع علية



اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه
* * *



ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
* * *



الحب اني اصطفيته ما اصطفاني
وبصفك حبيبي ما اصطف اني
نسيت اسم الي يحبك مصطفى اني
انا لا ما نسيتك رد عليه
* * *


يناهي تكــــول احبنك ونحباك
عداوه وحقد تضمرلي ونحباك
المن ياكـــلب ونـــــك ونحباك
وطلــــع حته التحبه بثوب حيه
* * *



يبعدني الوكت عنك وردلك
واحب يوصلني مرسالك وردك
باقه الروح اقدمهه وردلك
واقدم عمري للغالي هديه
* * *


سبحان الرسم خدك وشم بيه
وتمنيتك عطر بيدي وشم بيه
عيونك حفرن بگلبي وشم بيه
وكل نظرة منك توصلني المنية


* * *
عيوني من الدمع لجن وغارن
وعلي حيل الهجر هدن وغارن
اموتن من تحب غيري وغارن
اريدك بس تحبني وهاي هيه

_________________
اللهـــــــــــــم أحـــــــــــفظ الــــــــــعراق وأهـــــــــــله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://18468.montadalhilal.com
 
ابوذية اتجنن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منــــــتدى أحباب عبــــــير الـــــــــــــــــورد :: الاقسام الادبية :: منتدى الاابوذية والدارمي-
انتقل الى: